王祖賢童年照被翻　意外撞樣台灣歌王費玉清

息影多年嘅女星王祖賢，係唔少人心目中嘅經典女神，其獨特嘅優雅氣質並唔係個個女星都能夠媲美，但近日網民翻出王祖賢嘅童年照，發現佢細個時候都曾以中性打扮示人，驟眼睇有幾分男子氣概，仲撞樣台灣歌王費玉清！見佢當年短髮及頸、頭髮厚厚，而且眉粗粗，不過勝在長相清秀，似足啲可愛小白臉。網民都驚訝原來女神都曾經有咁「Man」嘅一面，大讚佢「女大十八變」，逐漸蛻變成為無人能及嘅一代女神。