謝安琪「離罩」急開Post澄清：多謝大家提點！

新冠肺炎下，唔少藝人都接二連三確診中招，令演藝界大受打擊。而索爆人妻謝安琪（Kay）今日（1日）就喺社交網貼上一張運動look相，發文勉勵大家要加油撐住，捱過難關。但網民就將焦點落咗喺Kay嘅口罩上，事關佢所戴嘅粉紅色口罩望落太大，完全唔貼面，擔心口罩保護力不足，紛紛留言話：「罩太大」、「你塊面太細啦」、「用小童口罩啦」 。

Kay見狀後，隨即喺社交網補文解釋：「對唔住，今朝早突然貪靚，想戴一個粉紅色口罩襯衫去跑步，點知唔知係咪我塊面太細，或者粉紅色口罩太大，令大家擔心夠唔夠安全。貪靚但係滑稽咗真係唔好意思，其實裏邊仲戴咗一個貼面嘅，請大家放心，多謝大家提點同埋關心！」