金牌製作人爆錄音癖好　譚詠麟被公認咬字最唔掂

台灣金牌音樂製作人周治平，近日現身節目《那些年。那些歌》，合作過無數大卡士港星嘅佢，就喺節目親揭大明星錄音癖好，包含張國榮、譚詠麟、張學友等，佢就講到張國榮錄音時，服裝相當講究，舉止、手勢投入得似足開萬人演唱會，氣勢十足。

至於譚詠麟則係被公認中文咬字「很糟糕」，周治平笑言：「但非要他咬字咬對，就沒有他的味道了，所以錄他其實最輕鬆。」而熱情嘅譚詠麟錄完音就一定帶所有人去食好嘢，令周治平認為同愈大牌嘅明星錄音其實愈好相處。