林凱恩周嘉洛未忘情　網民睇好丘梓謙介入玩三角戀

處境劇《愛‧回家之開心速遞》中「金城安」周嘉洛與「Bonnie」林凱恩嘅CP檔深受觀眾歡迎，惟早前劇情講到2人分手，即引起大批網民不滿，連周嘉洛都即鬆口指未來劇情或有彎轉。而最新劇情就交代其實林凱恩相當不捨舊情，只係於人前裝作堅強，但始終走唔出失戀傷痛，幸得「蔥頭」丘梓謙開解，卻因而傳出緋聞，令擔任編劇嘅林凱恩被迫離開劇組。其中林凱恩兩場傷感喊戲獲網民大讚自然、演技有進步，更有網友指丘梓謙與佢嘅對手戲甚有火花，期待2人有感情線，希望丘梓謙能加入演變成三角戀情，等林凱恩繼續有得留低之餘，同時為周嘉洛「回家」鋪路。