男友作曲！徐頴堃處女填詞填足一個月

藝人徐頴堃（Erica）近年踩過界轉戰幕後，繼去年擔任網劇編劇外，今年更為網絡平台新歌《 #LOVEDUST 》執筆填詞，她笑指用另一半作構思藍圖，歌曲亦成為了自己的故事：「我男朋友（張殿星）話寫呢首歌嘅時候，係12月好凍嘅一個晚上，佢話係諗住我嚟寫，聽落好Sweet咁！起初呢首歌係好簡單嘅，chord同旋律，後來加入小提琴同多層次嘅和音，變成一隻好complex嘅歌，香港比較少聽到呢一類嘅ballad音樂。」

Erica就為另一半奉上第一次填詞，用了一個月時間，並改足16稿才收貨，直言填詞絕不容易：「我係背負好多壓力去寫呢份歌詞，用有限的文字砌成一個無限意境的故事，實在很有挑戰性！成個過程我覺得好似砌拼圖咁，喺回憶度記翻好多同女朋友嘅真實感覺，投放在歌詞中來表達甜蜜的畫面。」除了填詞之外，徐頴堃更化身MV場務，亦為MV主角補妝：「我們在大帽山拍攝拍MV，氣溫只有1度左右，不過我都忙碌到唔記得凍，着住件T恤撲嚟撲去，到收工先發現自己唔記得着褸，真係好彩冇凍親！」