半空降落登山未算最激　謝霆鋒「亡命」挑戰60度大斜坡

型男謝霆鋒熱愛滑雪，即使滑雪季已過，但佢都一於少理，繼續密密出動，繼之前表演側躺邊瞓邊滑雪，又坐直升機從半空跳落，並由海拔2千8百米高嘅雪山滑下後，近日佢再有一新挑戰，就係喺斜度高達60度嘅大斜坡滑下，加上佢滑行時整個雪地白濛濛一片，視野模糊，幾乎睇唔清前方環境，連佢自己都話能見度只有大約3米左右，危險性極高，稍有不慎隨時出事。不過滑雪技巧了得嘅佢，當然未驚過，二話不說就出發，姿勢利落有型有款，真係高手中嘅高手，網民都話佢瓣瓣都咁出色，笑指未見過咁完美嘅男人：「被演員耽誤的歌手，被歌手耽誤的廚師，被廚師耽誤的滑雪愛好者，一個人活出了幾種人生。」