與大S老公撞樣！彭懷安搞笑回應：我太太叫Ivy

台灣女星徐熙媛（大S）離婚4個月後，昨日（8日）突然宣布喜訊，與韓星舊愛具俊曄閃婚，震驚整個演藝圈。不過唔少網友都覺得前EO2成員彭懷安（Eddie）同大S老公具俊曄勁似樣，仲抵死咁話「分唔到邊個打邊個」，非常搞笑！

而Eddie得悉事件後，亦係社交網上載一張戴上黑超、半裸上身嘅操肌相，搞笑回應話：「我結咗婚已經差唔多兩年，但係今日一瞓醒收到好多恭喜我嘅訊息，anyway多謝大家，我太太叫Ivy！」搞到網民都紛紛留下笑喊Emoji，仲話：「誤會太深，真係好似失散孖兄弟！」