忍唔到等髮型屋重開　王麗嘉嗌人上門去煩惱絲

藝人王敏德和名模馬詩慧的愛女王麗嘉（Irisa）早前就講過自己想入行做Model，依家佢都算踩咗半隻腳入行，仲似足外國啲Top Model咁大膽，成日大晒34D好身材，早前回暖咗少少佢就即刻衝去玩「無罩」日光浴。不過估唔到佢除咗力Sell性感，佢都有顆行型格路線的心，見佢晒出一張髮型師上門為佢剪髮嘅相，睇嚟佢都係等唔切嚟緊髮型屋今日（10日）重開，要立院趕住「去髮」！

今次佢將一頭金長髮剪走，忽然變Cool爆短髮，效果即刻唔同晒，佢就連衣着都跟住變埋，以Cap帽襯大衞衣，同朋友食飯佢就轉以西裝褸襯包到上頸嘅鬆身打扮示人，同以往佢次次都露出事業線嘅打扮唔同晒，搞到宅男都好驚佢會自始封胸，以後唔派軍糧呀！