洪卓立鍾意做肥仔　無視收身問題

歌手洪卓立（Ken）去年在內地拍戲時昏倒，一度命危，幸大步檻過，休養了一段長時間的他，早前更不介意公開其「肥臉」照，昨晚他跟粉絲在網上玩「你問我答」，有粉絲問他幾時瘦番？他話：「搞緊喇！」有粉絲話問咗他好幾次身體點？他都冇答，但今次他終於肯答，並上載一張照片說：「這大概是當日出事前的一刻，現在肥肥白白了，除了聲帶還需要點時間，謝謝。」

疫情下人人都想去旅行，問他疫情結束後他第一時間想去邊？他搞笑話：「可能好悶，不過首選都係日本，食咗3579日先返。」有粉絲就問到他愛犬「肥贏」幾好嗎？夠唔夠糧食？他搞笑付上個人QR Code「掃描器」：「歡迎捐贈，肥膏零食基金」，問到感情事，他鍾意女仔肥定瘦？他說：「我鍾意佢會鍾意我肥嘅女仔，健健康康就得啦。」似乎Ken冇意收身。