《華燈初上》第三季率先睇　吳慷仁慘遭林心如揸波

全城期待嘅台劇《華燈初上》第三季將於本月18日上架，近日主演兼製作人林心如率先公開花絮片段，劇透原來第三季有一段群毆戲，由「Rose Mama」林心如率領嘅一班「光」酒店小姐，與第三性「媽媽生」吳慷仁旗下嘅「SUGAR」酒店小姐，於街頭上演大亂鬥，互相拉扯打成一團，其中林心如更對吳慷仁扯頭髮，兼狠狠掐胸，連其「真胸」都被掐傷，場面壯觀，林心如笑指：「現場宛如妖怪在打架，媽媽生與小姐們實在都太敬業了。」另外，林心如又透露原來第三性嘅設定係由佢親自構思及提議：「一開始編劇要寫一個對門酒店的競爭對手，但我想如果只是這樣子滿無聊的，想起調查時有去條通知名第三性公關的店，也許會給觀眾一個耳目一新的感覺。」