陳鈺琪新古裝劇《鏡雙城》登韓國話題榜　原來係恥笑

有「最美趙敏」之稱嘅內地女星陳鈺琪主演嘅《倚天屠龍記》最近喺無綫重播，而早前同佢同內地小生李易峰合拍咗齣叫《鏡雙城》嘅古裝劇，雖然啲劇迷話佢哋都係俊男美女配，但一啲CP感都冇，不過呢齣就可以衝出內地，喺韓國播映時仲登上話題榜，唔通佢哋紅到連Oppa、「阿豬媽」都鍾意咗？

據韓國傳媒報導，呢齣劇可以喺韓國成為焦點，全因拍得實在太爛，除咗話男一李易峰塊臉腫到好似「浮屍」咁外，啲特效真係「冇得頂」， 因為真係太水皮，好似時光倒流80年咁，尤其啲遠鏡嘅特技，質量差冇可差，由於簡直好似睇笑片一樣，所以啲網民瘋狂留言喪插：「大學生的作品較好」、「超級怪」、「感覺退了30年」、「好暈呀，這是《人氣歌謠》的攝影機嗎」，陳鈺琪、李易峰喺內地都算係頂流級，今次就畀韓迷嘲笑佢哋真係「頂級流料」明星。