網友發現老公有古怪！湯怡：有啲嘢唔知好過知

女神湯怡（Kathy）近日喺社交網大玩「快問快答」，唔少人都爭住問佢整蛋糕既問題，也有網友問到湯怡每日最開心嘅時刻係幾時，佢就晒出老公同囡囡訓喺自己旁邊嘅照片，Sweet爆寫到：「每朝見到呢個畫面，感恩生存喺呢個世界上面，有家人朋友嘅愛護。」

也有網友發現老公有古怪，話想睇老公電話，佢就話：「只可以講有啲嘢唔知好過知，知道之後你點take都係一個學問，都要互相尊重，倒轉佢睇返你電話會有咩感受?不過諗吓做啲咩可以搵返拍拖甜蜜嗰個感覺?加油！」另外，有網友問佢點樣保養皮膚，佢就話：「唔曬同搽防曬！」仲話自己依家白到有啲過分，尤其對腳，打算遲下去曬陽光，吸收多啲維他命D咁話！