告吳亦凡誘姦被爆造假　都美竹以牙還牙告好友

內地男星吳亦凡今年8月在北京因涉嫌強姦罪正式被逮捕，不過近日有網友爆出疑似係都美竹私下嘅錄音檔，對話中聽到都美竹承認吳亦凡冇同未成年女仔上床，又自爆根本冇證據指證吳亦凡，只係為咗嚇到佢就範。

不過今次事件沒完沒了，尋日（14日）都美喺社交網晒出聘請律師合同，指自己忍無可忍，被昔日好友爆料造假，佢決定維權告好友，續指已經公證完所有證據，依家等提交到法院立案，流程需時，所以佢依家先可以回應他人造謠，仲胸有成竹咁叫造謠者慢慢等法院傳票：「刪掉了文章也沒用，我已經保全好了所有誹謗的證據……耐心等等吧，法院傳票不是你想甚麼時候收到就甚麼時候收到的，也希望造謠者收到傳票後可以積極應訴。」