冇7年之癢！胡杏兒冧爆賀老公李乘德生日

藝人胡杏兒與老公李乘德結婚7年，但絕無7年之癢，婚後2人非常甜蜜，仲密密生由倆口子變成一家五口，今日（16日）係李乘德生日，胡杏兒就喺凌晨於社交網發文，向老公送上生日祝福：「老公生日快樂，兩張照片，相隔7年，但你一點都沒變，願你的願望成真，永遠健康快樂，風趣帥氣，我們愛你。」佢又晒出7年前只得兩公婆嘅合照，以及現時一家五口嘅全家幅，力證無論屋企變化幾多，老公童顏樣依然冇變過！