搣甩20磅為博情郎一笑　鄭欣宜男友身份曝光

歌手鄭欣宜（Joyce）早前自爆喺3個月內成功甩咗20磅，大家都以為佢係為健康出發，生酮飲食照顧身體，但鏡頭一轉就見到佢晒出小鳥依人咁依偎神秘男嘅膊頭上，大家都估佢係咪借機放閃，睇嚟今次大家估中咗喇！據知今次Joyce撻着曾留學英國嘅花店老闆Derek，比欣宜大4歲，有指Derek年約38歲，口才了得，兼且不時靠所養嘅斑點狗製造話題，以內涵奪取欣宜歡心。

其實早喺今年情人節，欣宜手上所執就出現疑似男友花店出品嘅花束，當時仲發文：「Wild heart cant be tamed ?」而二月初，欣宜亦拎住同一Tote Bag影相，發文：「 This wild heart never stops ?」即被指當時已經同Derek蜜運中。不過對於有關Joyce嘅報道，欣宜經理人公司寰亞表示：「沒回應。謝謝！」