翻唱歌后陳慧嫻金曲！容祖兒獲讚「行走的CD」

天后容祖兒（Joey）現時身在內地工作，當地天氣寒冷更有降雪，難得見到如此落雪美景，Joey即靈機一觸，聯想起同樣係歌后嘅陳慧嫻嘅經典金曲《飄雪》，仲即時歌癮大發，翻唱呢首經典作品，佢又留言表示：「窗外下雪啦，終於有機會唱到這首『飄雪』。」咁靚嘅風景配埋Joey動人嘅歌聲，真係絕配，網民即大讚：「這唱功厲害了」、「十分應景之歌」、「祖祖真是行走中的CD」。其實Joey與陳慧嫻因共同好友而認識，14年時Joey更為陳慧嫻擔任演唱會嘉賓，2人更在台上嘴對嘴激吻，大晒姊妹情！