Edan新劇《i.SWIM》威到去芝加哥首播 ：好想睇啊！

近年ViuTV唔少嘅劇集都深受大家歡迎，如《大叔的愛》、《2月29》、《940920》等，而由MIRROR成員呂爵安（Edan）﹑邱士縉（Stanley）﹑王智德（Alton）以及魏浚笙（Jeffrey）﹑吳海昕等合演嘅全新熱血劇集《i.SWIM》雖然仲未喺香港播出，但就成功獲邀美國《芝加哥亞洲躍動電影節》嘅「香港電影巡禮」選映作品之一，並將於4月3日播出頭兩集，真係相當犀利！

而劇集《i.SWIM》早前已經曝光咗官方海報，淨係望住個封面都覺得吸引，而主演嘅Edan亦有喺社交網轉發兼留言話: 「《i.SWIM》頭兩集將會喺芝加哥亞洲躍動電影節首映 ！WOW！好想睇啊！」相信一班粉絲都非常期待呀！