一沉百踩狂爆黑歷史　鄧倫曾口水噴裁判相曝光

內地當紅小生鄧倫日前陷逃稅風波，被罰1.3億元人民幣，依家多個網訊平台已經將佢嘅作品除名，佢所有社交帳號被封，事業恐一鋪清袋。被一沉百踩嘅佢，最近頻頻被爆出昔日嘅黑歷史，當中最搶Fo係佢曾擔任籃球競賽綜藝《我要打籃球》時，佢即場失態爆粗，仲鬧人鬧到口水噴裁判！

曾同佢合作《我》嘅教練，見到鄧倫逃稅消息後，佢即時風涼留言：「多行不義必自斃，正義或許會遲到但絕不缺席」點知就被網友翻出早年，同一教練曾上載鄧倫昔日失態爆粗爭議嘅發文，當時佢貼出6張裁判同鄧倫爭執中嘅側拍圖，並火滾表示：「你把口水噴在裁判長臉上了，你合適嗎？這是正常的交流嗎？作為一個籃球裁判，為中國籃球正名，為中國裁判正名，每一個裁判都不容易，希望大家理解。」部分網友力撐籃球教練，又重提當年鄧倫街頭抽塋後吐痰、掟菸頭嘅新聞。不過部分網友則認為鄧倫已經被踢出娛樂圈，毋須要再攻擊佢形象。