關曉彤完美還原《2046》造型　章子怡睇完都讚

女星關曉彤最近喺內地綜藝節目上，扮演章子怡《2046》中嘅角色「白玲」一角，見佢身穿黑色閃鑽高開叉旗袍，完美還原白玲戲中造型，非常高貴典雅。而時代少年團成員嘅宋亞軒則扮演原由梁朝偉飾演嘅「周慕雲」，佢着上復古西裝，靚仔有型，充滿摩登風。兩人更喺節目上跳咗段舞，向電影《2046》致敬。就連「原裝白玲」章子怡睇完都大讚：「我覺得小宋扮梁先生還有點那個味。」