《華燈》惹粉絲3大質疑　編劇鬆口第4季進度

萬眾期待嘅台劇《華燈初上》第三季終於播出，一上架即霸佔香港地區劇集榜首位，唔少劇迷已火速煲完8集，亦終於揭盅兇手真面目，但觀眾們對結局就各有說法，有粉絲更直指有三大不滿位！其中最多粉絲不滿嘅，就係真兇欠驚喜，因為第二季已埋下真兇身份伏線，正當期待真兇會有大反轉時，但第三季只交代犯案細節及動機，令好多粉絲都表示失望。其次，章廣辰飾演嘅「阿達」突然「黑化」，前兩季完全冇交代佢缺乏自信嘅心理狀態，難以說服觀眾。至於林心如飾演嘅「羅雨儂」，亦被指形象太單一，只係一面倒嘅好人，角色唔夠立體。

雖然結局評價不一，但劇迷依然好關心劇集有冇第4季，之前就傳過鄭伊健加盟拍第4季，卻被林心如否認，不過今次編劇就鬆口，語帶保留指的確有可能開拍新一季，目前仍在規劃中：「要寫得出來才可以，現在還不確定。」