谷愛凌童年照曝光　氣質出眾好識擺甫士

內地18歲「滑雪女神」谷愛凌早前為中國國家隊出戰狂拎獎牌，身為中美混血兒嘅佢外貌甜美，擁有模特兒身材，加上佢貼地嘅個性，冧得網友神魂顛倒，人氣真係勁到爆，成為各大品牌嘅寵兒！

尋日（22日）網上曝光佢嘅童年照，睇到佢細個活潑可愛，笑容燦爛，好識得擺甫士，扮鬼臉大擺趣怪表情，迷倒一眾網民！佢喺雪地玩嗰陣雙手畀Like表現興奮，睇得出佢細個已經好熱愛滑雪啦！而有張佢同媽媽嘅合照，睇到佢嘅五官標緻、輪廓分明同媽媽好似樣，網民都大讚佢細個已經氣質出眾呀！