姜濤晒200磅「飛釘」相　網民笑爆同肥仔撞樣

人氣男團MIRROR成員姜濤以前曾經係200磅肥仔，而尋日（22日）佢就喺社交網分享兒時肥仔照，相中見佢着住件濕透嘅黑色T-shirt，若隱若現一對肥仔波，手上仲拎住籃球。而下一張相佢就貼咗現時嘅靚仔相，仲寫上：「Who are you? 」。其後，團內成員Anson Kong（江?生）同Stanley（邱士縉）都有搞笑留言話：「飛釘」、「以前靚仔啲！」。而一班粉絲都就話：「好可愛」、「一睇就知係被娛樂圈耽誤嘅NBA巨星」、「有DD似師傅（ERROR成員梁業），唔好打我！」非常搞笑。

之後，他又喺限時動態上寫到「Found another one」，然後貼出一張讀書時期與同學影嘅合照，雖然相中有4個人，但大家都一眼認得出邊個係姜濤，雖然佢以前肥D，但依然相當可愛。