范振鋒李思欣夫妻檔派物資　潘梓峰踩入DJ界學嘢

新城電台節目《Bilibala 開大喇叭》一班主持，包括范振鋒、張顥霖、張智軒和潘梓鋒等，昨日（23日）走出錄音室，到柴灣興華邨當義工，落區派發防疫物資，全男班的隊伍之中，唯一一位女將，就是范振鋒的太太李思欣（Charmaine），是次她以嘉賓身份現身。

范振鋒和Charmaine這對夫妻檔向來同心，結婚10年，工作上經常拍住上搵錢，連做善事都一樣咁合拍，范振鋒稱叫現場的長者做「哥哥」和「姐姐」，氹得公公婆婆們十分開心，Charmaine就表示：「做義工覺得幫到人，自己都好開心。」雖然落住連綿細雨，氣溫轉涼，但熱鬧的氣氛令現場升溫，各人愈派愈起勁。潘梓峰（前名：潘梓鋒）是新加入節目的主持，早前涉入桃色糾紛的他，有一段時間沒有在幕前出現，他感謝范振鋒邀請他踏入DJ界，他說：「係范振鋒邀請我幫手做主持，今日又嚟幫手做吓義工，好多謝佢，知我呢排得閒，叫我試吓做DJ，我都未試過，當學新嘢新嘗試，當係重新出發！」他表示疫情下香港人都好辛苦，希望共度時艱，為社會出一份力。