唔再扮Cool!COLLAR騷腰晒腿散發青春味

2022年03月24日 17:01
東網電視
更多新聞短片
年初成軍的女團COLLAR推出第2首新歌《Never-never Land》,歌曲以白日夢世界為主題,MV昨晚(23日)首播,8位成員Marf(邱彥筒)、Gao(沈貞巧)、Day(許軼、Soching(蘇芷晴)、Candy(王家晴)、Winka(陳泳伽)、Ivy(蘇雅琳)及Sumling(李芯駖),一洗之前Cool爆形象,在MV以背心、短裙、露腰裝上陣,散發青春氣味。
COLLAR表示疫情下大家疲於抗疫,希望透過新歌作療愈作用,呼籲大家不妨發發白日夢,喚醒輕鬆愉快的心情。MV中她們出動不同私伙的小道具,Day說:「有啲自己嘅小公仔、太陽眼鏡都有出現,幾得意。」Soching笑言:「唔使擺甫士,可以做自己,好難得可以咁做,平時出嚟要型、要靚,今次係最真實,甚至乎有樣衰一面畀大家睇。」Winka亦認為夠貼地展現她們真實一面。
長期「禁食令」
她們的造型都好清涼,部分成員更要露小蠻腰,她們笑言長期都收到經理人的「禁食令」,但大知道要拍MV,都好自制,Sumling仲勤做Gym,為食的Ivy會分享低卡零食,至於Candy笑言今次是一大新嘗試:「如果唔係拍MV,未必有咁機會着出街,一直都想試穿吊帶裙,今次終於試到,好開心。」
MV其中一個鏡頭要到草地拍攝,她們不僅成為蚊子的大餐,腳踏涼鞋的Soching不慎誤踩蟻竇,搞到隻腳一點點又痕又腫:「平時見昆蟲都會崩潰,不過拍嘢盡量忍住唔想畀人見到驚青樣,但嗰刻真係搞唔掂,想喊出嚟。」
再推出新歌她們可會感到壓力?COLLAR認為不會有壓力,其中Marf說:「得到支持當然開心,但上次出歌都冇話要達到一個咩成績,今次出歌希望平靜大家嘅心情,等大家聽到會覺得舒服、諗番啲開心事情出嚟。」