擇偶條件太高！郭書瑤被大元串爆：難怪單身

郭書瑤（瑤瑤）近日邀請咗大元（林艾璇）做佢綜藝節目嘅嘉賓，一開始佢哋就去咗幸福列車候車亭，瑤瑤毫不客氣喺祈福牌寫上：「希望能有身高180長得帥的好男朋友出現，然後要比我年紀小」，隨即被大元串佢擇偶條件太高，難怪依家仲係單身。

大元之後都有八卦瑤瑤嘅感情狀態，不過瑤瑤就灰爆咁話：「不期不待便沒有傷害。」 仲話可能係單身太耐，開始冇乜感覺。佢之後又講：「如果另一半沒有讓自己更好或是加分，倒不如一個人就好。」

最後佢哋去咗廟宇參拜，而第一次拜月老嘅瑤瑤，首次就求得中上籤，非常幸運。而總幹事更即場幫佢解籤，仲話：「如果有好的對象，就要勇敢的定下來，所以決定權還是在你手上。」其後瑤瑤笑住話要返屋企好好反思一下，非常搞笑。