洪天明周家蔚結婚10周年　細數結婚生仔人生經歷

藝人洪天明同太太周家蔚結婚多年並育有兩位公子，一家四口過住幸福美滿嘅生活，唔經唔覺原來今年已踏入第10個年頭。早前洪天明喺社交網分享多張相片，內容分別由兩人結婚、到大公子出世、再之後細仔嘅加入，再去到依家兩位公子開始長大，同大家分享一家人呢十年嘅幸福旅程，天明亦留言寫住：「10周年了！謝謝你的陪伴，謝謝你的愛，謝謝你的關懷，付出，忍耐，體諒，脾氣。謝謝你的全部。我們會有更多的10年。我愛你。」好多圈中好友同網友都感受到佢哋呢份喜悅，紛紛留言送上祝福，而周家蔚亦有留言：「Love you老公」去回應天明嘅愛。