姚子羚被老友黎諾懿寸要隆胸：隆咗你咪紅囉！

藝人姚子羚（Elaine）除咗樣靚，仲有演技，所以一直都被視為下位視后人選，不過，佢最近佢就接受節目訪問，大爆曾經被建議去隆胸爭上位！ 佢喺節目話：「好好笑㗎，黎諾懿係第一個話我『賤骨頭』嘅人，以前佢成日話『我一早叫你隆胸㗎啦，你隆咗胸你咪紅囉！』」非常搞笑。

Elaine仲透露自己其實係位麻甩女，佢話：「我內心就strong嘅，不過都有軟弱嘅時候，當你未搵到一個強勁嘅肩膀，你其實要面對好多嘢，咁我覺得工作呢啲嘢都係要做㗎啦。」而問到佢未拎視后之前係咪都唔會拍拖住住，佢就話：「咁又唔係喎，好坦白，我年紀都唔細，唔通真係為咗事業就唔要愛情？我覺得可以雙線發展，但未搵到感情嘅時候，我咪全力工作！」希望女神Elaine早日遇到真命天子啦。