林溥來兒子下巴「爆缸」癒合似生鬚

藝人林溥來(Patrick Sir)與太太關宛珊育有名11個月大兒子Preemo，沒料BB仔個性活躍，上星期於家中戴上頭盔於木地板爬行時，突然跣手仆倒，下巴落地「爆缸」，關宛珊急忙為BB止血，及後更於Patrick陪同下到私家醫院求診，最終醫生為Preemo縫了6針。

而經過一星期休養後，Preemo傷口已結疤，Patrick接受東網訪問時，笑指兒子適應能力超強，受傷翌日已回復平日般跳跳紮：「佢好似唔覺自己有事咁，可能受傷位置冇咩神經線，所以佢針口位唔覺痛，但依家要睇佢拆線會唔會喊，男仔有疤我哋係預咗，但冇諗過個仔1歲都未夠就出現，依家睇佢個縫針造型都幾得意，下巴似生咗鬍鬚咁。」更指曾擔心Preemo受傷後會有陰影，但事實卻剛剛相反：「依家佢成日想行，可以趷高腳企，估計不出幾星期應該可以自己行，呢排佢繼續食得瞓得，網友叫佢做『吃貨』真係冇改錯名，因為好食得，所以應該冇事嘅。」