胡鴻鈞32歲生日望疫情完結　各行各業回復正常

歌手胡鴻鈞（Hubert）最近轉以眼鏡Look示人，獲網民大讚有新鮮感，原來佢係為韓國品牌眼鏡做宣傳，而今日（27日）32歲生日嘅佢，日前出席活動時就大談生日願望，指同大部分香港人一樣希望疫情快啲緩和，祝福大家身體健康，各行各業都能夠盡快回復正常。而講到換形象，佢就笑言對眼鏡及太陽眼鏡嘅要求好簡單，最緊要「顏值」行先，戴得佢夠靚仔，佢又提到該太陽眼鏡同韓國女團BLACKPINK合作，由成員JENNIE親自設計，佢就自爆係BLACKPINK粉絲，視佢哋每一位為女神。