思家大戰︱陳自瑤再上節目復仇　一句寸爆李思捷

藝人陳自瑤（Yoyo）曾於無綫節目《思家大戰》成為輸家，最近聯同姜麗文、泰臣及游莨維等再度亮相節目，眾人組成復仇者聯盟，揚言要玩謝主持李思捷，單於Chit Chat環節，嘉賓們已鬥講條氣唔順及復仇原因，出盡全力圍攻思捷！

當中以Yoyo最有「道理」兼最激動，她扮晒勞氣投訴思捷：「明明嗰條問題個字係『聞』，但你就講咗『問』，咁就令到我聽錯咗，仲話係最佳男主持喎！」全場即噓爆兼嗌回水，氣氛高漲，其餘同場嘉賓亦非常合拍，齊齊對着思捷大嗌：「我哋唔係要嗰五皮，係要收你皮！」而於問答環節，馮盈盈與姜麗文未埋牙已先以眼神過招，互相大晒「狠樣」，雖然兩人戰意高昂，惟先後答錯問題，可謂有頭威冇尾陣。