朱千雪素顏運動晒無瑕美肌　伸脷攰樣獲讚可愛

前港姐朱千雪近年轉做大律師淡出幕前，久未出席公開活動露面，不過佢都未有鬆懈，依然努力保養，隨時準備好以最佳狀態示人。呢日佢喺社交網大晒運動自拍照，見着上長袖運動衫嘅佢，操到滿頭大汗、滿面通紅，仲攰到伸晒脷，又笑指唔明點解啲運動網紅可以一邊做運動一邊保持笑容，但自己就痛苦到想喊。雖然佢話好努力抑壓住自己痛苦嘅表情，但其實佢伸脷樣唔單止可愛，網民仲指佢素顏上陣一樣咁靚，皮膚零瑕疵兼白裏透紅，不愧為「民選港姐冠軍」！