波波愛鬥大　黃美棋自認有嘢Big過佢

藝人黃婧靈（波波）與黃美棋今日（29日）出席無綫綜藝節目《The Show Must Go On》拜神，對於節目將鬥智鬥力進行比併，波波率先爆當中有個遊戲主題是「鬥長」，隨即被取笑身材澎湃的她，應該是「鬥大」的代表，美棋聞言大表認同：「你實贏晒！（鬥身材你自卑？）咁又冇，我都有啲嘢大過佢，例如係年紀囉！」

近期多參與綜藝節目的波波，曾自爆是「銅鑼灣粉紅色」的她，笑指今日服裝同事特別為她安排粉色服裝，提到她於節目大講「性經」，波波坦言節目是性教育，故每集收到主題內容後便自由發揮，問到可感尷尬？她說：「大家都要知清楚，否則一個意外就唔好。（之後喺節目會唔會收斂啲？）都冇，綜藝節目都係做番自己。」