疫下增值自己！艾妮變剪片達人成就解鎖

英皇歌手艾妮（Elly）經常拍片跟大家分享生活小常識，尤其疫情下，好多家庭都入了不少貨，但處理不當令食材統統變壞，所以Elly決定拍片警惕自己，分享「食材急凍法」給同路人。她的個人頻道亦會上載她的cover歌曲，以她過往的專業護士知識分享不同的健康資訊及滋潤保濕湯水，跟大家共度時艱。

早前她到ViuTV的《Chill Club》宣傳新歌《情緒勒索》，錄影完畢後便匆匆趕回家中，就是要趕住交片，她說：「依家習慣咗每個星期最少出一條片，經理人成日同我開會諗拍咩題材，然後就係咁催我交片，好似Sales被人捽數咁。除咗出嚟錄影節目之外，基本上就係留喺屋企不停咁開會諗拍咩新片題材。」

她為了拍出好品質的片，落手落腳拍攝及剪輯，更揼本5位數添置器材，她說：「希望拍出嚟嘅效果可以令到觀眾滿意，同埋會去買道具買料返屋企自己拍自己剪，發現剪片真係要好用神同心思，剪吓剪吓亦都學識唔少技巧，可以話係又一個技能解鎖，哈哈。」