被踩樣衰 鄧小巧:得到愛唔一定要生得靚!

20220330
東網電視
更多新聞短片
首屆《超級巨聲》奪得第6名、其後以歌手出道的鄧小巧,本月初與未婚夫「白先生」完婚,新婚燕爾,本應該好幸福好開心才對,不過昨日(29日)她突然在社交網發文,稱遭受網上語言暴力,被網民人生攻擊樣衰,她決定為自己發聲:「得到愛,唔一定要生得靚。」。
她表示自從公布求婚到結婚,收到好多祝福,但同時都收到不少惡毒難聽的說話,入行多年,她表示聽過不少衝着她的樣貌的批評:「以前對我嘅攻擊都係醜樣、肥、豬x,生成咁樣學咩人做歌手之類;結婚之後就話『鬼佬真係重口味』、『多個人去外國做雞』、『呢啲豬扒真係鬼佬先食得落』諸如此類。」
雖然身邊朋友着她不要理會,認為任何事都會有人講,但她覺得各式各樣的語言暴力,可能就因為大家唔理,令某一小撮的人愈加橫「言」無忌。「網上嘅語言暴力好可怕,因為留言嘅人見到你,但你可能永遠見唔到留言嘅人。我哋好經常批評別人嘅外表,肥嘅太肥,瘦嘅太瘦,靚嘅整容,性感嘅就係蕩婦......我哋就係包庇一啲小惡行,慢慢縱容出大惡行。」她相信惡毒的人,可能都曾經受過傷害、被無理指摘,或者也被語言或身體暴力過,將怨恨傳播,對自己對世界不會帶來任何好處。她並晒出與老公第一次跳舞時的合照,當時她表示想着便服,白先生表示只要她感覺良好及要善待世界,對她相當體貼。而歌手謝安琪、許廷鏘和藝人張曦雯等都有留言撐。