少時前成員Jessica晒纖腰　竟成加盟《姐姐》鐵證

內地人熱節目《乘風破浪的姐姐》開拍第三季並宣布改名為《乘風破浪》，近日網上流出最新名單，當中李冰冰、李玟（CoCo）、蔡卓妍（Sa），就連前韓國組合少女時代的成員Jessica（鄭秀妍）都榜上有名。昨日Jessica就更新內地社交平台，上載兩張最新獨照，並以普通話拼音留言：「Wo hen xiang nimen（我很想你們）」向粉絲打招呼，相中見佢身處酒店房間，雖然佢打扮Casual，但伸懶腰時不經意露纖腰，盡顯好身材。不過有眼利網友發現，從其室內梳化、窗簾及窗外的鐵欄等線索分析，推斷佢入住咗是長沙「聖爵菲斯酒店」，而節目製作單位正正位於長沙，估計佢加盟節目嘅消息屬實。

與此同時，一直盛傳參與《乘風3》嘅台灣歌手王心凌及A-Lin近日不約而同飛到內地，A-Lin甚至開直播透露喺內地將有節目錄製，當時王心凌亦有進入直播間，外網民更深信佢哋加盟。