母親節搞網上騷！薛家燕預告搵鍾嘉欣

薛家燕今日（30日）在黃埔新城出席《家燕姐生日之Captain Nancy重出江湖》活動，慶祝72歲生日，電台送上巨型壽桃賀壽。戴上閃石口罩一身紅噹噹示人的她喜氣洋洋，指過去兩年疫情下大家也很困惑及不開心，希望在生日做好事，將於5月啟動「Captain Nancy愛心基地」打造嘉年式虛擬線上活動，除了大派禮物，更會有藝人唱歌表演，及她多年的藝人訪問。另外，在5月8日母親節更會舉行一個網上show，為大家打氣。問到會邀請甚麼嘉賓？她說：「依家聯絡緊，無綫嗰班同事啦，曾志偉亦好支持，同埋諗住搵鍾嘉欣，但係要睇時差問題。」

講到生日怎樣慶祝，她說：「之前有兩個幾月冇出街，前日先返TVB上節目，啱啱好開心可以見到個孫仔，雖然佢戴住口罩，但係好乖冇掹口罩，佢依家9個幾月大，呢兩個月都只係靠視像同佢見面，所以佢見到我都有啲陌生。今晚會同個仔、新袍喺屋企食飯，希望下年生日可以擺返一百幾十圍慶祝啦，話咁快就一年，真係浪費咗我成年嘅青春。」