一家三口超溫馨！雨僑羅力威慶祝結婚4周年

藝人雨僑自從同老公羅力威結婚後，誕下一女，生活幸福美滿。今日（31日）係佢同羅力威結婚嘅4周年，佢哋帶埋囡囡一齊去咗公園玩，又拎住水槍，一家三口非常開心，仲喺社交網大晒靚相。雨僑仲喺貼文寫到：「四周年快樂！第一次三個人影結婚周年相，第一年工作中渡過，第二年冇人記得係結婚周年，第三年搬緊屋，第四個周年活動，去公園被放電。」佢仲話望住囡囡跑步，會不自覺學咗佢個跑姿，非常搞笑。