曾高調公開有男友　羅毓儀突然宣布已分手

鍾愛Cosplay嘅TVB「可愛女神」羅毓儀（Yuki）有一位已拍拖逾兩年嘅男友Mike（暱稱咪咪），平時都會同大家大方介紹男友，點知今日（1日）佢就喺社交網表示佢尋日（31日）已經同男友分手：「我同我男朋友尋晚正式分手，多謝呢幾日朋友們嘅安慰，大家放心我Handle到。」消息一出，即刻嚇壞眾人，東網聯絡上Yuki，原來佢只係借愚人節同大家開玩笑：「愚人節快樂！其實沒分手，只是跟大家開玩笑??」佢同男友仍然恩愛。