憑《全民造星III》出身的陳葦璇（Kira），日前東網已率先爆Kira獲環球唱片賞識招攬加盟，獲公司力捧的她今年全主力在樂壇出擊，而她為ViuTV主持的《仔仔囡囡730》昨晚就播出最後一集了，相信未來日子她可以瞓身其歌唱事業。

Kira在社交網上載《仔仔囡囡730》的台前幕後合照，並分享過去一年做主持的感受，她寫道：「眨吓眼就一年，好多謝呢個節目畀機會我學習點做主持，因為730認識咗好多好多好朋友，最開心嘅係，雖然都係工作，但係呢個廠我哋有好大自由度都玩唔同嘅嘢，每次開廠都好歡樂，希望嚟嘅嘉賓都唔會緊張，好似同朋友傾偈咁，謝謝合作過既導演、監製、燈光、攝影、收音、writers、730大樂隊cm band,同埋主持們，感謝，江湖見。」