張馨月近照被指整容失敗　霸氣回應： 開心就好！

林峯太太張馨月不時都會喺社交網分享生活近況，有時更會同－派閃光彈，貼上同老公溫馨嘅照片。近日佢就分享自己行街市兼食飯嘅照片，見佢着住灰色背心搭配恤衫外套，再加條貼身牛仔褲，大顯修長靚腿。張馨月仲喺貼文寫到︰「疫情讓出去吃飯都變成一種難得。」有網民問佢啲菜幾錢一斤，佢都答得出，真係24孝老婆，唔怪得知老公咁錫佢啦。

而網民仲注意到佢好似肥咗，留言話︰「臉上是打甚麼了嗎姐姐」、「鼻子怎麼又大又肉哦」、「加工失敗了嗎」，但張馨月一啲都冇嬲，仲好大方話係燈光問題，又話自己個鼻本身唔細，最緊要健康開心，睇嚟峯嫂EQ真係好高，抵讚！