姜文杰大爆老窦秦沛有顾忌　扬言生B都唔话佢知

刚于2月拉埋天窗的姜文杰（Benji）正忙于为ViuTV剧集《心灵师》开工，其老婆李泳淇（Rain）日前突然杀入片场探班，孖老公齐齐向剧组人员派“幸福蛋挞”分享新婚喜悦。李璨琛（Sam）、网红“文青女神”Rachel（刘蕴晴）、男团ERROR成员阿Dee及颜子菲等齐齐送祝福。<br/><br/><br/><br/>姜文杰与戴着闪爆求婚戒指的Rain齐齐受访，他们表示仍未习惯新身份，而Rain相当悭家，不介意本地游当度蜜月，不过Benji透露稍后会去外地工作，届时会顺道过二人世界。谈到父亲秦沛可有催他们生B？Benji大爆：“可能佢凑大我同妹妹太辛苦，所以佢冇支持亦冇反对，我打算生咗都唔话畀佢听，费事吓亲佢，哈哈！”Rain则指老爷很开通，一切随缘。<br/><br/><br/>搵李璨琛报喜<br/><br/>Sam的女儿李元元超得意，问他会否催促老友Benji快些做老窦，交流凑B心得？他笑言自己是过来人，生B无法催，要两夫妻都准备好才行，而Benji表示与元元有渊源：“Sam知道做爸爸嘅时候，咁啱系喺我哋一班朋友嘅聚会入面，之后佢忍唔住喺天台同我讲，所以我应该系第一个知道佢有囡囡嘅人！亦因为咁，我求婚成功后，亦传番第一张相畀佢。”实行互相分享人生重要一刻。<br/><br/><br/><br/><br/>