5年前冇罩生活　譚俊彥杜大偉清裝亂入歎咖啡

憑《愛．回家之開心速遞》飾演「Peter」一角成功入屋的杜大偉，尋晚（7日）忽然晒出一張冇戴口罩坐Coffee Shop門口嘅相，當中仲見到出爐影帝譚俊彥，加埋戴耀明，3人一枱歎咖啡，即刻搞到網友擔心佢哋係咪違返2人一枱禁令！原來張相係5年前影嘅，3人當時喺內地橫店拍劇，齊齊喺Break Time以清裝上陣Tea一Tea，不過奇怪在佢哋身邊路人都未有注意佢哋，明明清裝歎咖啡咁奇特都冇人理，不過張相就影到好有穿越Feel，唔怪得網友睇到都即時畀Like。杜大偉留言自爆甫舊相：「五年前嘅今日，寫意的冇口罩生活～#20170407 #當年今日 #清裝歎咖啡有得諗」。而按眾人一身打扮，似乎係拍攝2018年播出嘅無綫劇集《天命》。