粉絲嗌襯︱陳偉霆撻25歲章若楠　婚紗相都有埋

英皇藝人陳偉霆（William）依家主力喺內地開工，Job接Job根本冇停過，大家都好關心佢嘅感情世界，早前就有傳佢同國際超模何穗上樓見面，不過粉絲就似乎唔多睇好，相反近日佢同內地25歲演員章若楠合作新劇《照亮你》，劇集4月2日煞科，William就發文暫別角色終於時隔8年，大家可以見佢再扮消防員，而佢對上一次就係2014年拍香港電影《救火英雄》。

隨住新劇拍完，網上開始流出大批拍攝花絮，當中就有William同章若楠嘅多張親密劇照，見到年紀差11歲嘅二人，被大讚好有CP感，粉絲仲舉腳支持新「阿嫂」，二人更有「結婚相」流出，見佢哋頭貼頭，滿臉笑意，仲Sweet喺婚禮現場攬狗變一家三口「全家福」，劇集未出街就已經咁多Fans撐，睇嚟到時播出又會掀煲劇潮。