一蚊Joe入行16年　揭露鮮為人知辛酸史

藝人游茛維(一蚊Joe)為李思捷主持的無綫節目《思家大戰》當暖場主持，他受訪時大呼好玩，透露當初獲思捷邀請時非常興奮:「思捷希望個節目有現場觀眾，所以需要暖場主持帶動氣氛，佢畀呢個任務我時，我應承佢用條命嚟炒熱個氣氛。」談到近日因轉型幕後「推手」引發關注，一蚊Joe謙虛說：「其實做得暖場主持，都預咗唔會見到自己個樣。今次思捷畀呢個任務我，佢都好緊張，仲拍埋片同我講應該點樣做。」更指拍攝當天一次過錄影3集，一天直踩12粒鐘，幸也不算太辛苦。

而入行16年的他，透露曾為劇集《當旺爸爸》扮演焦屍，雖然出鏡時間很短，但背後故事卻一匹布咁長：「首先用咗兩個鐘化妝，去到現場導演覺得效果唔夠，仲要再加炭粉，啲炭粉入晒耳仔、眼同埋指甲，然後個廠又凍，我淨係着短衫、短褲。」結果埋位等足2小時，最終只有兩句對白，拍畢後更病倒，若不堪言。