胡彥斌包包面大改造　忽變V煞直認做過手腳

內地實力唱將胡彥斌貴為一線歌手，佢拍音樂綜藝節目可謂冇停手，最近為內地節目《天賜的聲音3》做嘉賓兼導師嘅佢，次次上台唱歌都令人拍爛手掌，不過娛樂圈發圍除咗有歌聲，仲要有包裝嘅。平時都係以潮男打扮嘅佢，隨住年齡增長，佢嘅體型亦愈嚟愈脹，包包面同豆鼓眼已經成為佢嘅招牌，不過喺最新一集嘅官方照度，佢忽然娛變V煞面，下顎線相當明顯，塊面縮水一倍，引發網友討論！

有網友就直接留言，狂讚佢瘦身成功，仲話佢「下顎線比我人生規劃更清晰」，點知胡彥斌就轉發該留言，自爆原來佢塊面做過手腳：「下顎線相P的，下次讓美工下手輕一點。」自爆原來有執相，難怪節目入面佢依然係包包面，只係啲官方圖「呃人」，睇嚟連佢自己都知失真。