連詩雅飛甩陳家樂揀古天樂做老公：我鍾意有歷練嘅男人

DJ阿正（黃正宜）近日上咗由連詩雅（Shiga）、蝦頭（楊詩敏）所主持嘅網台節目做嘉賓，大談理想老公嘅10個特質，例如價值觀相似、誠實、會主動溝通、EQ高等。其中一個環節，佢哋問Shiga到要喺黃德斌、陳家樂、林雪、呂爵安（Edan）、古天樂、魏浚笙（Jeffrey）中搵出佢哋嘅缺點，並選擇一位作為老公，佢就話：「Edan、陳家樂同Jeffrey太過靚仔，黃德斌太Man，林雪太幽默，所以我會揀古天樂。」而蝦頭立即問道：「咁陳家樂點算呀？」搞到全場爆笑。Shiga隨後即話：「我覺得古天樂有人生嘅歷練，同埋我覺得佢一定有上進心啦，先至可以開到咁多間製作公司，所以EQ都應該有返咁上下。」

而阿正就話：「我會揀黃德斌，因為佢真係超Nice。」然後 Shiga就問：「你要講佢嘅缺點！」阿正就話：「我真係搵唔到佢有咩缺點，佢無論性格同外表、價值觀都好好。」仲話如果自己後生20年嘅話，可能真係會忍唔住追佢，果然係迷妺一名！