雲狄素邀「Marvel隊長」加入《狂野時速》系列

美國男星雲狄素（Vin Diesel）於社交網站宣布邀請於漫威（Marvel）超級英雄宇宙飾演「Marvel隊長」的美國女星貝兒娜森（Brie Larson），加盟拍攝《狂野時速10》（Fast and Furious 10），上載兩人笑到見牙唔見眼的合照。

雲狄素留言表示：「係係係……你見到挨喺我膊頭上嘅天使搞到我笑晒，你同自己講『佢係Marvel隊長』。好明顯呢張圖入面有愛同歡笑。但你睇唔到嘅係，嗰個會喺《狂野時速10》首次現身嘅角色。你唔會估到佢喺我哋系列會有幾永恆同犀利。喺佢美麗、智慧……同佢個奧斯卡以外，哈哈，係一個有深度嘅靈魂，會畀到一啲你冇預計到但追求嘅嘢。歡迎你加入大家庭，貝兒。」

雲狄素同樣為漫威中人，他為《銀河守護隊》（Guardians of the Galaxy）系列角色樹人Groot配音。