無懼疫情！馬國明前緋聞女友徐佳琦「快閃」泰國惹羨慕

曾與無綫男神馬國明發生「同車關係」，而傳過緋聞嘅模特兒「翻版徐子淇」徐佳琦，近年不受疫情限制，繼續經常周遊列國，上月佢身在馬來西亞睇雙子塔夜景，但近日又突然晒出多張身處喺泰國蘇梅島度假嘅靚相，見到以夏日風情造型上陣嘅佢，先喺海邊大歎椰青，之後再去到泳池，換上水着曬太陽，大騷美好身段，網民對於佢能夠出國旅行都大感羨慕，不過佢又發文：「很懷念那個說走就走的時代，希望我們可以重新回歸那樣的日子，如果是 一定好好珍惜。」未知係咪只係晒舊相懷緬昔日旅遊時光。