羅子溢、陳自瑤及王敏奕現正為無綫新劇《婚後事》拍攝中，由於劇集剛剛開拍，演員都正投入角色，而子溢分別與陳自瑤及敏奕都有感情線，甚有艷福。日前他與敏奕接受無綫娛樂新聞台訪問，二人大爆「當年情」，子溢謂：「其實我同佢合作過嘅，不過已經係上世紀嘅事，我同佢合作時佢仲攞緊兒童身份證。」敏奕即謂：「嗰陣暑期工嚟，做嚟玩吓！佢依家仲成日當我小妹妹咁，我同佢講我大個嘞！反而拍完有聚會，有朋友一齊玩，但始終我太細個，佢哋係成年人，我真係跟唔到佢哋玩。」在旁的子溢即一臉無奈，更問敏奕:「我都Keep到呀？」敏奕識做謂:「冇分別，但係唔同咗嘅，依家成熟咗囉！」

二人於劇中有不少親熱戲，敏奕大賣關子說：「一定有，監製最鍾意我突破，佢最鍾意挑戰我極限同底線，問子溢會否覺得監製善待他，給他福利時，他說：「我唔知點樣回應呢個問題，但呢個角色會打破我以前演過，層次亦會有唔同。」