強尼入圍「百大帥哥」　隨時撼贏台灣男神許光漢

美國網站TC Candler嘅「全球百大帥哥美女」排行榜依家成為香港藝人爭奪戰，估唔到港星猛料近乎日日有藝人入圈，尋日（15日）官網就公布ViuTV「主持一哥」許博文（強尼）入圍，同一個Post入面仲有台灣陽光男神許光漢，佢前年因為劇集《想見你》升呢一線男星之後，更加打入韓國市場，一度勇奪「韓國人眼中最帥台灣藝人」，風頭一時無兩。今次強尼踩入場，勝算未知，不過佢自己都話覺得好Surprise，加上Fans Page Admin都講到明唔係粉絲搞，佢就話當係之前啲好友話送畀佢嘅「大整蠱」。而「百大美女」方面，就有Ivy So（蘇雅琳）@COLLAR同樣入圍，一樣威威。